UNICEF-i thotë se vetura e tij është goditur me armë zjarri në Gaza

UNICEF-i ka bërë të ditur se një nga veturat e tij është goditur me armë zjarri derisa po priste të hynte në Gazën Veriore nga ajo Jugore, të mërkurën.

Në një deklaratë të lëshuar të enjten, UNICEF-i ka thënë se “incidenti është ngritur tek autoritetet e larta të Izraelit”, raporton CNN.

“Fatkeqësisht, ndihmësit humanitar vazhdojnë të përballen me rreziqe gjatë shpërndarjes së ndihmave.

Derisa punonjësit e ndihmave të jenë të mbrojtur, në pajtim me Ligjin Ndërkombëtar Humanitar, ndihmat humanitare nuk mund të mbërrijnë te njerëzit në nevojë”, thuhet në deklaratën e UNICEF-it.

Incidenti vjen vetëm pak ditë pas agjencia e Izraelite që koordinon inspektimin dhe shpërndarjen e ndihmave në Gaza, COGAT, i ka fajësuar Kombet e Bashkuara për dështim të shpërndarjes së ndihmave nëpër Gaza. 

Javë më parë, shtatë punonjës të ndihmave humanitare që punonin për World Central Kitchen, janë vrarë kur forcat izraelite kanë gjuajtur me armë në drejtim të veturave të tyre. Kjo ka nxitur reagim të madh ndërkombëtar.

Edhe Botë 21 shk 2024 Forcat izraelite qëllojnë mbi konvojin me ushqim në Gaza, tregojnë dokumentet e OKB-së