Presidenti amerikan, Donald Trump, ka thënë se pret që armëpushimi në Gazë të arrihet “brenda javës së ardhshme”.
Duke folur për gazetarët në Shtëpinë e Bardhë të premten, ai e ka cilësuar të tmerrshme situatën në Gazë, por është shprehur optimist se së shpejti do të ketë armëpushim mes Izraelit dhe Hamasit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Mendoj se është afër. Sapo fola me njerëzit e përfshirë”, ka thënë presidenti amerikan. “Mendojmë se brenda javës së ardhshme do të arrijmë armëpushimin”.
Ai ka shtuar se SHBA-ja po furnizon Gazën me ndihma dhe ka bërë thirrje që edhe shtete të tjera të dërgojnë ndihma.
Deklarata e Trumpit vjen një ditë pas raportimit se ai dhe kryeministri izraelit, Benjamin Netanyahu, janë dakorduar për t’i dhënë fund luftës në Gazë brenda dy javësh dhe që Rripi i Gazës të përfshihet në një marrëveshje në të cilën shtete arabe do të bashkëqeverisnin enklavën.
Lufta në Gazë nisi kur militantët e Hamasit në tetor të 2023-s sulmuan Izraelin duke vrarë rreth 1200 persona e duke marrë një numër pengjesh. Izraeli nisi hakmarrjen dhe deri tash, sipas të dhënave të zyrtarëve shëndetësorë palestinezë, nga sulmet në Gazë janë vrarë mbi 56 mijë persona.