Nga Lille në veri, në Marsejë në jug të Francës, ndërtesat publike, dyqanet dhe automjetet u sulmuan sërish të enjten në mbrëmje dhe trazira ka vazhduar edhe gjatë mesnatës.
Në Roubiax, banorët e një hoteli raportohet se u detyruan të dilnin në rrugë pasi ndërtesa mori flakë.
Grupe protestuesish janë përleshur me Policinë në Paris dhe disa protestues përdorën granata të bëra vetë, raportoi BBC.
Nata e tretë e dhunës erdhi pasi mijëra u mblodhën për një marshim në kujtim të adoleshentit i cili u vra të martën nga policia.
Të paktën 667 persona janë arrestuar.
17-vjeçari u qëllua nga një polic pasi refuzoi të ndalej për një kontroll trafiku. Videot kanë treguar dy policë që tentuan ta ndalojnë automjetin e të riut dhe njërin prej tyre i cili drejtoi armën kah shoferi.
