Të paktën 20 persona kanë vdekur, pasi një autobus me shpejtësi të madhe u përplas me një cisternë nafte, teksa dyshohet se po garonte me dy autobusë të tjerë.
Autobusi i mbushur me pasagjerë u përplas në pjesën e pasme të cisternës në një autostradë pranë qytetit qendror Multan në Pakistan, raportoi The Sun të martën.
"Tre autobusë po garonin. Njëri prej tyre u përplas në një cisternë nafte”, ka thënë zyrtari i policisë Imran Shaukat.
Përplasja e tmerrshme shkaktoi një zjarr që përfshiu cisternën dhe autobusin, shtoi polici.
Pamjet nga vendi i ngjarjes treguan punëtorët e shpëtimit që po përpiqeshin të kërkonin ndonjë të mbijetuar në rrënojat e djegura të autobusit.
Zyrtarët thanë se të paktën 20 pasagjerë u dogjën për vdekje dhe gjashtë persona mbijetuan, sipas Dunya TV.
Edhe
Shkon në 20 numri i të vdekurve pasi një autobus ra në një humnerë në Pakistan
Autoritetet thanë se shoferi i cisternës u largua nga vendi i ngjarjes pas përplasjes.
Një punonjës i shpëtimit tha se shumica e pasagjerëve ishin në gjumë në kohën e zjarrit në autobusin e nisur për në qytetin port jugor të Karaçit.
