Presidenti i Ukrainës, Vlodymyr Zelensky, zbuloi në një konferencë për shtyp se sekretari amerikan i Shtetit, Antony Blinken, dhe sekretari amerikan i Mbrojtjes, Lloyd Austin, do ta vizitojnë Kievin të dielën.
Por The Guardian shkruan se është e paqartë nëse Zelensky mund të ketë zbuluar informacione që zyrtarët amerikanë nuk kanë dashur t’i nxjerrin, për arsye sigurie.
Zelensky madje ka thënë se sapo të jetë çështja e sigurisë në nivel, edhe presidenti Joe Biden do të shkojë në Kiev.
“Ata nuk duhet të vijnë me duar bosh. Ne presim gjëra specifike dhe armë specifike. Është e njëjta gjë që kam thënë me liderët e vendeve të tjera… ne u bëjmë thirrje të gjithë liderëve se këtu ka një luftë të vërtetë. Ejani tek ne, do të jemi të lumtur t'ju shohim, por ju lutemi, na sillni ndihmën që kemi diskutuar, që keni, që keni mundësinë të sillni”, ka thënë Zelensky teksa njoftoi për vizitën e Blinkenit dhe Austinit.