Talebanët tentojnë të pilotojnë helikopterët që SHBA-ja i la pas, por dështojnë, i vozisin si vetura

Janë shfaqur pamje që tregojnë talebanët tek përpiqen të fluturojnë me një helikopter amerikan që thuhet se është braktisur nga trupat ushtarakë - por piloti duket se nuk mund ta largojë atë nga toka.

Mijëra njerëz që presin të evakuohen nga aeroporti i Kabulit janë udhëzuar të qëndrojnë larg për shkak të rrezikut të një sulmi terrorist "shumë të afërt dhe shumë vdekjeprurës". Një sulm shumë vdekjeprurës mund të nisë brenda pak orësh, tha konkretisht më vonë Sekretari i Mbrojtjes Ben Wallace, raporton Unilad.

Ndërkohë, ndërsa talebanët refuzojnë të lejojnë njerëzit të hyjnë në aeroport dhe avionët e evakuimit të ngrihen, luftëtarët me sa duket janë përpjekur të përdorin inventarin ushtarak të mbetur të Amerikës.

Besohet se helikopteri ishte lënë në përdorim të forcave afgane, para se talebanët të merrnin kontrollin e Kabulit.