Sulm i fuqishëm ajror izraelit trondit Bejrutin, 11 të vdekur

Një sulm i fuqishëm ajror izraelit vrau 11 persona në Bejrutin qendror të shtunën, ka njoftuar mbrojtja civile libaneze, duke tronditur kryeqytetin ndërsa Izraeli po intensifikon ofensivën kundër grupit Hezbollah të mbështetur nga Irani, raporton Reuters.

Sulmi shkatërroi një ndërtesë tetë-katëshe dhe shkaktoi numër të madh viktimash dhe lëndimesh, bëri të ditur Agjencia Kombëtare e Lajmeve e Libanit.

Shpërthimet tronditën kryeqytetin rreth orës 4 të mëngjesit të shtunën. Burimet e sigurisë thanë se të paktën katër bomba u hodhën në sulm.

Kjo shënoi sulmin e katërt ajror izraelit këtë javë që synon qendrën e Bejrutit, në kontrast me pjesën më të madhe të sulmeve të Izraelit në rajonin e kryeqytetit, të cilat kanë goditur periferitë jugore të kontrolluara nga Hezbollahu.