Nxënësit në një shkollë në Bremerhaven të Gjermanisë kanë përdorur karriget dhe tavolinat për të barrikaduar veten në klasa pasi disa të shtëna zjarri u dëgjuan në ndërtesë, duke lënduar rëndë një grua të rritur, raportoi The Guardian të enjten.
Policia ka thënë se një sulmues i armatosur ka përdorur armë të paidentifikuar për të plagosur punonjësen e shkollës së mesme “Lloyd Gymnasium” mëngjesin e sotëm.
“Personi i armatosur është arrestuar dhe është më mbajtje”, ka thënë policia, e cila nuk konfirmoi raportimet për një sulmues të dytë.
E plagosura u dërgua në spital. Nxënësit dhe mësimdhënësit qëndruan në klasa derisa policia vazhdoi hetimin e situatës, dhe u lejuan të largohen nga shkolla disa orë më vonë.
Mediat gjermane raportuan se një nxënëse që dëgjoi të shtënat kishte thirrur policinë.
