Arabia Saudite, Katari, Bahrejni dhe Emiratet e Bashkuara Arabe janë përballur me sulme të reja me dronë dhe raketa të shtunën.
Aeroporti në Dubai – në kushte normale një nga më të ngarkuarit në botë - u sulmua disa herë me dronë, me pasagjerë që raportuan të paktën një shpërthim dhe një numër pengimesh të raketave.
Nisjet u pezulluan për disa orë, por do të rifillojnë më vonë të shtunën.
Ministria e Mbrojtjes e Katarit njoftoi se një sulm me raketa balistike ishte zmbrapsur.
Ushtria e Iranit ka thënë se kishte lëshuar raketa dhe dronë kundër objekteve ushtarake amerikane në Bahrejn dhe Katar.
Sirenat u dëgjuan në Bahrejn, por nuk pati raportime për shpërthime.
Edhe
SHBA-ja e Irani sulmojnë njëra-tjetrën në Gjirin Persik
Ushtria e Bahrejnit ka thënë të shtunën se që nga fillimi i sulmeve iraniane kundër saj, 86 raketa dhe 148 dronë ishin penguar dhe shkatërruar.
Ministria e Mbrojtjes e Arabisë Saudite njoftoi se 16 dronë që shkonin drejt një prej fushave më të mëdha të naftës në Lindjen e Mesme, Shaybah, ishin penguar në orët e para të së shtunës.
Ministria e Mbrojtjes nuk specifikoi origjinën e sulmit me dronë.
