Shpërthen kaosi në Gazë gjatë shpërndarjes së ndihmave, ushtria gjuan me armë

Kaosi ka shpërthyer në Gaza, në ditën e dytë të operacioneve të ndihmës nga një grup i ri i mbështetur nga SHBA-ja, teksa palestinezët e dëshpëruar ia mësyen një qendre që shpërndante ushqim të martën në Rafah, duke thyer gardhet, raporton "BBC". 

Izraeli ka bërë të ditur se trupat aty pranë kanë gjuajtur të shtëna paralajmëruese.

Një gazetar i AP-së ka kapur pamjet teksa një një helikopter ushtarak gjuante flakë për të shpërndarë turmën.

Kombet e Bashkuara kanë thënë se videot nga Rafah janë “zemërthyese” dhe se ka një plan të detajuar të gatshëm për të dërguar mjaftueshëm ndihma te “popullata e dëshpëruar” në Gaza. 

Ushtria izraelite ka thënë se trupat e saj qëlluan të shtëna paralajmëruese në zonën jashtë qendrës dhe se "është vendosur kontrolli mbi situatën".

Ndihmat në Gazë kanë qenë të ndaluara nga Izraeli për më shumë se 11 javë.