Nëntë anëtarë të stafit të Agjencisë së Kombeve të Bashkuara për Refugjatët Palestinezë, UNWRA, mund të kenë qenë të përfshirë në sulmin e 7 tetorit të Hamasit në Izrael, ka njoftuar OKB-ja, raporton “BBC”.
Të gjithë nëntë pjesëtarëve u është shkëputur kontrata, ka thënë ndihmës-zëdhënësi i OKB-së, Farhan Haq.
Ai ka thënë se OKB-ja ka përfunduar hetimin pas pretendimeve të ngritura nga Izraeli se stafi i UNWRA ishte përfshirë.
Rreth 1200 persona u vranë e 251 u morën peng në sulmin e Hamasit në jug të Izraelit vjeshtën e kaluar. Në kundërpërgjigje, ushtria izraelite nisi operacionin ushtarak në Gaza, si pasojë e të cilës janë vrarë mbi 38,400 palestinezë, sipas shifrave të Ministrisë së Shëndetësisë së Gazës.
