Shirat e dendura në Gjermaninë jugore kanë shkaktuar përmbytje të mëdha në shtetin e Bavarisë.
Reshjet intensive dhe erërat e forta në qytetin e Nurembergut dhe rajonin e tij përreth kanë shkaktuar dëme të konsiderueshme, duke përfshirë rrëzimin e pemëve dhe zhvendosjen e tjegullave të çative, sipas një deklarate nga Departamenti i Policisë.
Sipas autoriteteve, bodrumet, garazhet nëntokësore, rrugët dhe nënkalimet e shumta janë zhytur nga ujërat në rritje.
Fotot e publikuara në mediat lokale shfaqin ekipet e shpëtimit që operojnë me varka të fryra për të ndihmuar në përpjekjet emergjente.
Edhe kompania gjermane hekurudhore “Deutsche Bahn” ka raportuar për ndërprerje në shërbimet e trenave për shkak të kushteve të pafavorshme të motit.
{gallery}
Artikuj të ngjashëm
