Në një takim të Këshillit të Sigurimit të Kombeve të Bashkuara në New York, sekretari i përgjithshëm, Antonio Guterres, ka thënë se “sulmi i 7 tetorit nga Hamasi në Izrael nuk ka ndodhur në vakum”.
“Populli palestinez i është nënshtruar pushtimit ngulfatës për 56 vjet. Ata i kanë parë tokat e tyre të tkurren vazhdimisht nga kolonizimet dhe të goditen nga dhuna. Ekonomia e tyre është mbytur. Njerëzit janë zhvendosur dhe shtëpitë e tyre janë shkatërruar. Shpresat për zgjidhje politike për çështjen e tyre janë zhdukur”.
Guterres ka shtuar se “vuajtjet e popullit palestinez nuk mund t’i justifikojnë sulmet e Hamasit”, ashtu si edhe ato sulmet “nuk mund ta justifikojnë ndëshkimin kolektiv të popullit palestinez”.
Janë bërë më shumë se dy javë prej kur nisen sulmet e dyanshme dhe mijëra njerëz kanë vdekur, në Gaza dhe në Izrael.
-
Shefi i OKB-së sqaron deklaratat për luftën Izrael – Hamas, thotë se u keqinterpretua
-
Ambasadori i Izraelit kërkon dorëheqjen e shefit të OKB-së
-
Guterres dënon sulmin e Hamasit, bën thirrje të lejohen ndihmat humanitare në Gaza
-
Guterres për luftën në Iran: Të dyja palët mund të kenë kryer krime lufte
-
Dy vjet: Si e shkatërroi Izraeli Gazën