Zëdhënësi i Departamentit Amerikan të Shtetit, Matthew Miller, e ka quajtur të rremë procesin zgjedhor në Bjellorusi, duke thënë se është e pamundur të zhvillohen zgjedhje të lira “në një klimë frike me mbi 1400 të burgosur politike”.
Ai ka thënë të dielën në rrjetin social X se i mbështet aspiratat demokratike të popullit bjellorus, derisa procesin e njëanshëm zgjedhor e ka dënuar.
“Ne dënojmë zgjedhjet e rreme parlamentare sot në Bjellorusi. Është e pamundur të zhvillohen zgjedhje të lira dhe të ndershme në një klimë frike dhe me mbi 1400 të burgosur politikë. Ne i mbështesim aspiratat demokratike të popullit bjellorus”, ka shkruar Miller.
Nën masa të rrepta sigurie, Bjellorusia të dielën po mban zgjedhje parlamentare.
Në këto zgjedhje u lejuan vetëm katër parti që mbështesnin liderin Alexander Lukashenko.
Opozita ka thirrur votuesit t’i bojkotojnë zgjedhjet.
-
Lukashenko për herë të shtatë në krye të Bjellorusisë: Gjysma e botës ëndërron diktaturën tonë
-
BE-ja i quan “të paligjshme” zgjedhjet në Bjellorusi, paralajmëron sanksione të reja ndaj vendit
-
Autoritetet bjelloruse me një valë të re të bastisjeve dhe konfiskimeve të pronave të opozitarëve
-
Autoritetet bjelloruse: Mbi 6.9 milionë qytetarë morën pjesë në zgjedhje
-
Bjellorusia mban zgjedhje nën masa të rrepta sigurie, opozita bën thirrje për bojkot