Banorët e Shanghait dhe Pekinit të lodhur nga masat anti-COVID

Dy qytetet më të mëdha të Kinës, Shanghai dhe Pekini, kanë shtrënguar masat për mbrojtje nga COVID-19 për banorët e tyre të hënën, duke u kërkuar atyre që të shmangin kontaktet sociale, raportoi Reuters.

Por kjo nuk është pritur mirë nga banorët, që janë shprehur të lodhur me pandeminë.

Zemërimi i qytetarëve u shfaq sidomos në rrjetet sociale, pasi u publikuan pamje të autoriteteve që detyruan personat e infektuar me COVID-19 që të dorëzonin çelësat e shtëpive të tyre për t’u dezinfektuar, gjë që ekspertët ligjorë e denoncuan si të paligjshme.

Sipas tyre, masa të tilla duhet të merren vetëm në një gjendje të jashtëzakonshme.

Kina është e bindur se do t'i përmbahet politikës së saj zero-COVID për të luftuar infeksionin që u shfaq për herë të parë në qytetin e saj, Ëuhan në fund të vitit 2019.

"Ne duhet të insistojmë në rregullimin e fluksit dhe kontrollit të lëvizjes së njerëzve", thuhet në një deklaratë të qeverisë komunale e Shangait për Reutersin lidhur me masat e fundit.