Armenia dhe Azerbajxhani shkëmbyen sulme të reja në kufi, duke lënë të paktën tre persona të vrarë, shkroi “Al Jazeera” të martën.
Personat e vrarë thuhet se janë azerbajxhanas, e sulmet ndodhën në rajonin e kontestuar të Nagorno-Karabakhut.
Nëpërmjet një deklarate, ministria armene e Mbrojtjes, deklaroi se Azerbajxhani i nisi granatimet intensive kundër pozicioneve ushtarake në drejtim të qyteteve Goris, Sok dhe Jermuk, mëngjesin e së martës.
“Trupat e Azerbajxhanit përdorën dronë dhe artileri e armë zjarri të kalibrit të madh. Forcat e armatosura të Armenisë nisën një përgjigje proporcionale”, u tha në njoftim.
Heavy artillery fire being reported from Azerbaijan towards Armenia. pic.twitter.com/q3uNO4mJHi
— Moshe Schwartz (@YWNReporter) September 12, 2022
Tutje, ministri i Mbrojtjes së Azerbajxhanit akuzoi Armeninë “për akte subversive në shkallë të gjerë”, pranë rretheve të Bashkesanit, Kelbajarit dhe Lachinit në kufi.
“Ka humbje në mesin e ushtarakëve azerbajxhanas”, deklaroi ministri Zakir Hasanov, pa dhënë shifra.
SHBA-ja u shpreh e shqetësuar për sulmet. Sekretari amerikan i Shtetit, Anthony Blinken, iu bëri thirrje palëve t’u japin fund armiqësive.
“Siç e kemi bërë të qartë prej kohësh, nuk mund të ketë zgjidhje ushtarake për konfliktin”, deklaroi Blinken.
Armenia dhe Azerbajxhani u përfshin në luftë gjatë 2020-s, por që mospajtimet mes tyre datojnë që nga 1990-a. Kur dy palët ishin nën sundimin sovjetik, forcat armene pushtuan një pjesë të territorit pranë Nagorno-Karabakhut, i njohur prej kohësh si territor i Azerbajxhanit, por me popullsi armene. Nga konflikti vdiqën mbi 30 mijë njerëz.