Armenia dhe Azerbajxhani thanë të premten se kishin pësuar humbje në luftimet pranë kufirit të dy vendeve, në veriperëndim të rajonit separatist të Nagorno-Karabakut.
Ministria armene e Mbrojtjes deklaroi se dy ushtarë të saj u vranë dhe një tjetër u plagos në granatimet pranë fshatrave kufitare të Sotk dhe Norabak.
Azerbajxhani ka thënë se Armenia sulmoi pozicionet e tyre përtej kufirit në rajonin Kalbayar duke përdorur drone dhe duke plagosur tre ushtarë.
Pavarësisht bisedimeve sporadike mbi një traktat paqeje për të rënë dakord mbi kufijtë, zgjidhjen e mosmarrëveshjeve në enklava dhe shkrirjen e marrëdhënieve, tensionet mbeten të larta dhe përplasjet përgjatë kufirit të përbashkët janë dukuri e rregullt. Në dy ditët e konfliktit në shtator të vitit të kaluar, rreth 300 ushtarë nga të dyja palët u vranë.
Luftimet e vazhdueshme, së bashku me bllokadën disamujore të Karabakut nga Azerbajxhani, kanë tensionuar marrëdhëniet dikur të mira midis Armenisë dhe Rusisë, e cila është aleate tradicionale e Jerevanit dhe ka kontigjent paqeruajtës në Karabak.
Edhe
Sërish luftime mes Armenisë e Azerbajxhanit, të paktën tre të vdekur
Në një deklaratë të enjten, Ministria e Jashtme e Armenisë akuzoi Rusinë për “indiferencë absolute ndaj agresionit kundër territorit sovran të Republikës së Armenisë” dhe për përdorimin e “pretekstit të rremë” për të shmangur mbështetjen e Armenisë.
Në muajt e fundit, Rusia ka mbështetur publikisht pretendimin e Azerbajxhanit për Nagorno-Karabakun dhe ka fajësuar Armeninë për bllokadën e vazhdueshme të Karabakut të kontrolluar nga separatistët.
