Salvini: Terroristët ia kanë mësyrë Evropës me barka migrantësh nga Libia

Kaosi në Libi, pas ofensivës së gjeneralit Khalifa Haftar, e ka shtuar rrezikun e pranisë së terroristëve në barkat me migrantë, që ia kanë mësyrë Italisë, ka thënë Ministri i Brendshëm italian, Matteo Salvini, duke shtuar se portet e shtetit të tij do të mbesin të mbyllura

“Infiltrimi terrorist nuk është më vetëm rrezik, por është diçka e sigurt: për këtë arsye, është detyrë e imja që ta përsëris se asnjë anijeje do t’i lejohet ankorimi në brigjet italiane”, ka thënë ai gjatë një interviste me një radiostacion italian, të mërkurën, raporton “Reuters”, transmeton “Koha Ditore”.

Salvini, lider i partisë kundër imigrantëve, “Liga”, nuk ka dashur të tregojë nëse qëndrimi i Italisë do të ndryshojë në rast të një lufte të madhe në Libi, pas anarkisë që ka mbërthyer shtetin, pas rrëzimit të diktatorit Muammar Gaddafi, më 2011.