Rusia shënon njëvjetorin me arrestimin e kundërshtuesve të luftës

Kundër protestuesve autoritetet ruse kanë zbatuar ligjin e miratuar menjëherë pas pushtimit të Ukrainës. Ky ligj kriminalizon çdo shprehje publike kundër asaj që Kremlini i referohet si “operacion ushtarak special” në Ukrainë

Rusët në Moskë dhe qytete të tjera kanë sjellë lule për poetët ukrainas dhe pati tubime të vogla me thirrjet kundër luftës për të shënuar njëvjetorin e pushtimit rus të Ukrainës.

Mediat ruse dhe grupet për të drejtat e njeriut kanë raportuar për dhjetëra të arrestuar, si pjesë e planit të Kremlinit për të shtypur disidentët që kanë nisur të ngrenë zërin kundër regjimit që prej fillimit të luftës.

Së paku tetë persona janë arrestuar në Yekaterinburg, qytetit të katërt më të madh të Rusisë, ka bërë të ditur OVD-info, organizatë që regjistron arrestimet politike. Të arrestuarit kanë vendosur lule te monumenti i viktimave të represionit politik, ka njoftuar grupi.

Gazeta e lajmeve në internet Sota filmoi të paktën shtatë persona duke u arrestuar në Shën Petersburg pasi sollën lule në monumentin për poetin e njohur ukrainas Taras Shevchenko. Pamjet e postuara nga media shfaqnin policin duke i shpjeguar një çifti se ata kishin shkelur kufizimet e koronavirusit.

Sota raportoi gjithashtu se një person ishte arrestuar në Moskë, ku njerëzit u dyndën te monumenti i Lesya Ukrainka, tjetër poete e njohur ukrainase, për të vendosur lule. Një numër i madh policësh kanë vëzhguar grupin, por kryesisht u larguan pa e ndërprerë.

Pesë persona u arrestuan në qytetin siberian të Barnaul, sipas gazetës “Sibir”. Realii, duke përfshirë një burrë që zgjodhi një shesh qendror me një pankartë ku shkruhej "Mos heshtni". Në qytetin tjetër siberian, Komsomolsk-on-Amur, një grua u arrestua pasi protestoi me një pankartë ku shkruhej: “Ne jemi duke mbajtur zi. Na falni, ne e shkatërruam vendin tonë”, raportoi gazeta.

Rusët në të gjithë vendin protestuan në mënyrë aktive kundër luftës në Ukrainë gjatë javës së parë të pushtimit. Tubimet e mëdha u shuan shpejt pasi mijëra u arrestuan, por protestat e vetme -- dhe ndalimet -- kanë vazhduar gjatë gjithë vitit.

Kundër protestuesve autoritetet ruse kanë zbatuar ligjin e miratuar menjëherë pas pushtimit të Ukrainës. Ky ligj kriminalizon çdo shprehje publike kundër asaj që Kremlini i referohet si “operacion ushtarak special” në Ukrainë.

Parlamenti rus vulosi një projektligj që shpalli të jashtëligjshëm diskreditimin e ushtrisë ruse ose përhapjen e informacionit të rremë një javë pasi trupat e Moskës hynë në Ukrainë.

OVD-Info ka raportuar se “për 305 nga 365 ditët e luftës, forcat e sigurisë arrestuan njerëz për qëndrimet e tyre kundër luftës në qytete të ndryshme të Rusisë dhe Krimesë së aneksuar”.

Që nga mesi i dhjetorit grupi kishte numëruar 378 persona që përballeshin me ndjekje penale për qëndrimet e tyre kundër luftës në 69 rajone ruse dhe gadishullin e Krimesë që Rusia e aneksoi nga Ukraina në vitin 2014. Grupi gjithashtu numëroi më shumë se 5.500 raste administrative me akuzën e diskreditimit të ushtria ruse.