Rusia kreu sulm masiv me raketa dhe dronë ndaj termocentraleve dhe infrastrukturës energjetike në disa rajone të Ukrainës, shkroi në Telegram operatori kombëtar i energjisë i Ukrainës, Ukrenergo.
Të paktën tetë persona u plagosën në sulme, tha ministri i Punëve të Brendshme ukrainase, Ihor Klymenko. Në mesin e tyre, të paktën tre persona u plagosën në rajonin e Kievit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPresidenti ukrainas, Volodymyr Zelensky, tha se objektet energjetike ishin objektivat kryesore të sulmeve, duke vënë gjithashtu në dukje se një sulm me dronë kishte “djegur” stacionin e trenit në qytetin Fastiv, i vendosur në rajonin e Kievit.
Sulmet ruse nisën në kohën kur zyrtarët amerikanë dhe ukrainas po zhvillojnë bisedime që synojnë t'i japin fund luftës gati 4-vjeçare.
Rusia përdori 653 dronë dhe 51 raketa në sulmin me shtrirje të gjerë, i cili shkaktoi alarme për sulme ajrore në të gjithë vendin dhe ndodhi ndërsa Ukraina shënoi Ditën e Forcave të Armatosura, njoftuan pjesëtarët ukrainas të forcave.
Forcat ukrainase rrëzuan dhe neutralizuan 585 dronë dhe 30 raketa.