Rusia godet për herë të parë një ndërtesë qeveritare në Kiev

Një nga ndërtesat kryesore qeveritare të Kievit është goditur nga sulmet me dronë gjatë natës nga Rusia.

Është shumë e rrallë që raketat dhe dronët rusë të godasin pikërisht qendrën e qytetit, për shkak të përqendrimit të mbrojtjes ajrore në zonë, raporton BBC.

Diku tjetër në qytet, dy persona kanë mbetur të vdekur, përfshirë një foshnjë, teksa 16 të tjerë janë plagosur. 

Disa ndërtesa banimi shumëkatëshe janë goditur dhe shkatërruar pjesërisht në sulme.

Rusia ka sulmuar gjithashtu Kryvyi Rih - qytetin e lindjes së presidentit ukrainas, Volodymyr Zelensky - duke goditur tri objekte infrastrukturore.