Një aeroplan ushtarak rus me 15 persona në bord është rrëzuar të martën, derisa po nisej nga një bazë ajrore në perëndim të Rusisë, ka bërë të ditur Ministria e Mbrojtjes.
Sipas ministrisë, avioni Il-76 me tetë ekuipazh dhe shtatë pasagjerë u rrëzua në rajonin e Ivanovës. Nuk u bë e ditur nëse ka ndonjë të mbijetuar, raportoi AP.
Ministria po ashtu ka bërë të ditur në një deklaratë se një zjarr në motor besohet të jetë shkaktari i rrëzimit. Një ekip i hetuesve kanë fluturuar për në Ivanovo për të nisur hetimet.
Media ruse ka shpërndarë një video ku shihet aeroplani duke u lëshuar poshtë, me të paktën një prej motorëve të tij në flakë.
Avioni II-76 është një aeroplan i transportit të rëndë që ka qenë në shërbim që nga viti 1970.
Përplasja ka ndodhur në ditën kur Ministria e Mbrojtjes raportoi për dhjetëra sulme në Rusi, të kryera nga dronët ukrainas.
-
Përplaset një avion ushtarak rus në Krime, 29 të vdekur
-
74 të vdekur nga rrëzimi i aeroplanit rus që barte të burgosurit ukrainas
-
Rrëzohet në Gjeorgji aeroplani ushtarak turk me të paktën 20 persona në bord
-
Pesë të plagosur, përfshirë një fëmijë, nga një sulm ukrainas pranë Moskës
-
Gjenden rrënojat e aeroplanit që u zhduk në Rusi