Qeveria franceze ka premtuar angazhimin e 3000 mësuesve shtesë në ditët në vijim, pas protestave masive të nxënësve. Ministri i Arsimit, Edouard Geffray, e tha këtë gjatë një interviste televizive, që ishte deklarata e parë nga qeveria si përgjigje ndaj ankesave të protestuesve.
Qeveria ka thënë se janë arrestuar 6877 persona, 86% e të cilëve janë nën moshën 18 vjeç, që nga fillimi i protestave që kërkojnë më shumë burime për arsimin.
Rreth 71,000 njerëz protestuan në mbarë vendin të enjten, ndërsa 24,000 prej tyre u mblodhën në sheshin "Bastille" në Paris, raportoi BBC.
Policia ndërhyri sërish me gaz lotsjellës për të shpërndarë grupet që e sulmonin me gurë dhe mjete piroteknike të improvizuara.
Të premten, rreth 140 shkolla të mesme - nga gjithsej 3,500 - ishin të mbyllura plotësisht ose pjesërisht, një shifër kjo dukshëm më e ulët krahasuar me ditët e mëparshme. Megjithatë, është bërë thirrje për një tjetër ditë protestash të martën e ardhshme.
Në Francë prej kohësh kishte ankesa për arsimin pasi shumë orë mësimore humbeshin për shkak të mungesës së mësuesve dhe sepse nuk kishte staf zëvendësues.
-
Vazhdojnë protestat e nxënësve në Francë, qindra shkolla mbeten të mbyllura
-
Përshkallëzojnë protestat e nxënësve në Francë, policia hedh gaz lotsjellës
-
Policia përplaset me nxënësit protestues në Francë, mbyllen rreth 400 shkolla
-
Protesta masive në Francë: Nxënësit bllokojnë shkollat, policia arreston dhjetëra protestues
-
Franca ndalon përdorimin e granatave tymuese në protesta pas një incidenti me një 15-vjeçar