-
Përktheu:
Flutura Gashi-Mehmeti
- 4 janar 2026 11:24
- Shpërndaje në:
Që kur Donald Trumpi ka filluar mandatin e tij të dytë në detyrë në janarin e kaluar, ka pasur një rritje të presionit mbi qeverinë venezueliane.
Së pari, administrata Trump dyfishoi shpërblimin që ofroi për informacionin që çoi në kapjen e Maduros.
Në shtator, forcat amerikane filluan të shënjestronin anijet që akuzoheshin për transportimin e drogës nga Amerika e Jugut në SHBA.
Që atëherë janë kryer më shumë se 30 sulme ndaj anijeve të tilla në Karaibe dhe Paqësor, duke vrarë më shumë se 110 persona.
Administrata Trump fajëson Maduron për qindra mijëra emigrantë venezuelas që hyjnë në SHBA.
Pa ofruar prova, Trumpi akuzon Maduron për "zbrazjen e burgjeve dhe azileve të tij të të çmendurve" dhe "detyrimin" e të burgosurve të saj të emigrojnë në SHBA.
Presidenti amerikan gjithashtu pretendon se qeveria venezueliane po lejon që paratë e naftës të financojnë krimin e lidhur me drogën, duke pretenduar se vetë Maduro është një udhëheqës karteli.
Maduro e mohon fuqishëm këtë dhe akuzon SHBA-në se po përdor "luftën e saj kundër drogës" si një justifikim për të provuar ta rrëzojë atë dhe të hyjë në rezervat e mëdha të naftës të Venezuelës.