Prokurorët kundërshtojnë anulimin e dënimit të Trumpit për “paratë e heshtjes”

Prokurori i qarkut të Manhatanit ka thënë të martën se pajtohej për shtyrjen e dënimit të Donald Trumpit në rastin e njohur si “paratë e heshtjes”.

Në një letër drejtuar gjyqtarit Juan Merchan, zyra e prokurorit të qarkut gjithashtu pranoi se Trumpi nuk ka gjasa të dënohet "deri në përfundim të mandatit të ardhshëm presidencial.

Por prokurori thotë se dënimi për krim i Trumpit duhet të qëndrojë, raporton CNN.

Në një paraqitje gjyqësore të martën, zyra e prokurorit të qarkut të Manhattanit ka thënë se presidenca e ardhshme e Trumpit nuk është arsye për të hequr dorë nga një çështje për të cilën ai tashmë ishte gjykuar. 

Por prokurorët argumentuan se “duhet të merret parasysh” ngrirja e mundshme e çështjes deri pasi Trumpi të jetë jashtë detyrës.

Zhvillimet përbëjnë një kthesë historike dhe të paprecedentë për fatin ligjor dhe politik të Trumpit. 

Edhe Botë 20 nën 2024 Avokatët e Trumpit kërkojnë që të hidhet poshtë dënimi për “paratë për heshtje”

Një vit më parë, Trumpi po përballej me katër aktakuza të veçanta. Tani, ndërsa ai përgatitet të rimarrë Shtëpinë e Bardhë, strategjia e avokatëve të Trumpit për t'i shtyrë të gjitha rastet ka rezultuar jashtëzakonisht e suksesshme, pasi dy çështje federale do të mbyllen, çështja e shtetit të Xhorxhias është në gjumë prej kohësh, teksa çështja e Nju Jorkut është gati të përfundojë pa një dënim.

Trumpi është dënuar në maj për 34 akuza për falsifikimin e të dhënave të biznesit mbi pagesat e bëra nga avokatit i tij i atëhershëm Michael Cohen për të rimbursuar një pagesë prej 130,000 dollarësh për yllin e filmave për të rritur, Stormy Daniels për ta penguar atë të fliste për një aferë të supozuar përpara zgjedhjeve të 2016. Trump e ka mohuar aferën.