Policia identifikon trupat e 16 viktimave të tjera të zjarrit në Zvicër

Policia ka identifikuar trupat e 16 viktimave të tjera të një zjarri në një bar, në resortin zviceran të skive Crans-Montana.

Personi më i ri i identifikuar është një vajzë zvicerane 14-vjeçare, ndërsa nëntë të tjerë janë nën 18 vjeç.

Grupi përfshin persona me kombësi zvicerane, italiane, rumune, turke dhe franceze, ka thënë policia.

Një hetim paraprak ka zbuluar se shkaku i mundshëm i zjarrit gjatë festimeve të Vitit të Ri në barin Le Constellation në Crans-Montana ishin fishekzjarrët në shishe që po mbaheshin shumë afër tavanit.

Autoritetet zvicerane kanë hapur një hetim penal ndaj menaxherëve të barit ku zjarri ka lënë 40 të vdekur, kanë thënë autoritetet të shtunën.

Edhe Botë 5 jan 2026 Identifikohen të 40 viktimat e zjarrit në Crans-Montana të Zvicrës

Të dy dyshohen për vrasje të pavullnetshme, dëmtim trupor të pavullnetshëm dhe shkaktim të pavullnetshëm të zjarrit, u ka thënë gazetarëve kryeprokurorja e rajonit Valais, Beatrice Pilloud. 

Ajo ka thënë se hetimi u hap të premten në mbrëmje dhe se do të ndihmonte "të eksploroheshin të gjitha pistat".