Policia ka bastisur dy shtëpi në Australi, në kuadër të hetimeve të lidhura me sulmin në dy xhami në Christchurch të Zelandës së Re.
Pesëdhjetë persona kanë vdekur dhe dhjetëra të tjerë janë plagosur si pasojë e të shtënave me armë zjarri të premten.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAustraliani, Brenton Tarrant, 28 vjeçar, është akuzuar për vrasje. Ai besohet të ketë kryer i vetëm sulmet.
Autoritetet në Uellsin e Ri Jugor kanë kërkuar në prona të paidentifikuara mëngjesin e së hënës.
“Qëllimi kryesor i këtij aktiviteti është që të kemi material që mund t’i ndihmojë policisë së Zelandës së Re gjatë hetimeve”, ka thënë policia e Uellsit të Ri Jugor.
Mediat australiane kanë raportuar se njëra nga shtëpitë i përket motrës së Tarrant. Policia ka thënë se familja e tij në Australi është duke ndihmuar në procesin e hetimeve.
Brenton Tarrant është paraqitur para gjykatës në Zelandë të Re të shtunën.
Kryeministrja e Zelandës së Re, Jacinda Ardern është zotuar se do të ndryshojë ligjin për armët, pas incidentit që është konsideruar si sulmi më i rëndë në historinë e këtij kombi.