Sulmet ajrore të ushtrisë izraelite kanë lënë të vrarë të paktën 40 persona në mbarë Rripin e Gazës gjatë 24-orëve të fundit, ka njoftuar agjencia e mbrojtjes civile në territorin e enklavës, teksa qeveria e Izraelit është përgatitur për të urdhëruar një tjetër zgjerim të ofensivës ushtarake.
I pyetur për të komentuar mbi sulmet e fundit, zëdhënësi i Forcave izraelite të Mbrojtjes ka thënë se ushtria ka ndërmarrë hapa të kujdesshëm për të mos lënduar civilët.
Izraeli ka kryer sulme të përditshme në Gazë që nga përfundimi i armëpushimit me grupin militant palestinez, Hamas, muajin e shkuar.
E ka ndalur edhe qasjen e të gjitha importeve të produkteve ushqimore dhe atyre mjekësore në Rripin e Gazës, në atë që autoritetet izraelite e kanë kualifikuar si përpjekje për ta detyruar Hamasin t’i lirojë pengjet.
