Kryetarja e Dhomës së Përfaqësuesve, Nancy Pelosi, ka konfirmuar të martën se Kongresi amerikan do ta formojë një komision “të pavarur, të jashtëm” për hetimin e sulmit të mbështetësve të ish-presidentit Donald Trump në ndërtesën e Capitolit.
Në një letër adresuar ligjvënësve, ajo ka bërë të ditur se Komisioni do të modelohet sipas hetimeve për sulmet terroriste të 11 shtatorit të 2001-s në New York dhe Pentagon. Me këtë Pelosi ka thënë se synohet nxjerrja e së vërtetës për ngjarjet e 6 janarit.
Ish-presidenti republikan është shfajësuar të dielën në Senat nga akuza për nxitjen e dhunës. Por demokratët dhe një grup republikanësh kanë mbështetur inicimin e hetimeve të pavarura rreth mësymjes që ka rezultuar me pesë të vdekur.
Komisioni do të jetë i angazhuar në hetimin dhe raportimin e fakteve, si dhe shkaqeve të sulmit, ndërhyrjen në transferimin paqësor të pushtetit dhe në përgjigjen e policisë e degëve të tjera të zbatimit të ligjit në Capitol.
-
Një komision i pavarur do të hetojë sulmet në Capitol më 6 janar
-
Dhoma e Përfaqësuesve miraton ngritjen e komisionit hetimor për sulmet ndaj Kapitolit
-
Kongresisti amerikan padit Trumpin e Giulianin për dhunën në Capitol
-
Pelosi kërkon ekstra para për mbrojtje nga “armiku” i brendshëm
-
Kongresi amerikan sot do ta certifikojë fitoren e Trumpit në zgjedhje