-
Përktheu:
Flutura Gashi-Mehmeti
- 10 mars 2025 13:10
- Shpërndaje në:
Një operacion ushtarak sirian kundër besnikëve të ish-presidentit të rrëzuar Bashar al-Assad ka përfunduar, ka bërë të ditur të hënën ministria e Mbrojtjes.
Përleshjet midis besnikëve të Assadit dhe sundimtarëve të rinj islamikë të vendit në zemrën bregdetare të ish-presidentit kanë lënë të vdekur më shumë se 1,000 njerëz, kryesisht civilë, sipas një grupi monitorues të luftës, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHassan Abdul Ghany, zëdhënësi i ministrisë së Mbrojtjes, ka thënë në një deklaratë në X se institucionet publike tani mund të rifillojnë punën e tyre dhe të ofrojnë shërbime thelbësore.
“Ne po hapim rrugën që jeta të kthehet në normalitet dhe për konsolidimin e sigurisë dhe stabilitetit”, ka thënë Abdul Ghany.
Ai ka shtuar se kishte plane për të vazhduar luftimin e mbetjeve të ish-qeverisë dhe eliminimin e çdo kërcënimi të ardhshëm.
Udhëheqësi sirian, Ahmed al-Sharaa është zotuar të dielën se do të gjurmojë autorët e përleshjeve të dhunshme dhe ka thënë se do të mbajë llogari kushdo që ka tejkaluar autoritetin e sundimtarëve të rinj.
Zyra e Al-Sharaa ka njoftuar gjithashtu se po formonte një komitet të pavarur për të hetuar përleshjet dhe vrasjet e kryera nga të dyja palët.
LEXO EDHE: