Nuk pritet të ketë fitues të qartë në zgjedhjet sllovene

Kryeministri slloven, Janez Jansha, ka votuar të dielën në zgjedhjet parlamentare. Zgjedhjet pritet të jenë garë e ngushtë ndërmjet partisë populiste djathtiste në pushtet të Janshës dhe opozitës së liberalëve dhe të gjelbërve në shtetin e polarizuar të Bashkimit Evropian.

Rreth 1.7 milion sllovenë me të drejtë vote do të zgjedhin në mesin e partive të shumta që garojnë për legjislaturën me 90 mandate. Jansha e ka përshkruar ditën e zgjedhjeve si të rëndësishme për vendin, duke shtuar se rezultati i zgjedhjeve do të përcaktojë se si do të zhvillohet Sllovenia në dekadën e ardhshme. Partive Demokratike konservative në pushtet dhe Lëvizja e Lirisë, e porsaformuar, prijnë në anketime.

Megjithatë, anketimet kanë sugjeruar se nuk do të ketë fitues të qartë në zgjedhje dhe se do të duhet krijimi i koalicionit do të jetë i domosdoshëm për të qeverisur vendin. Pritjet janë që të ketë marrëveshje prej së tri ose katër partive për të zgjedhur ekzekutivin e ri. Jansha është zgjedhur para dy vjetësh kryeministër pasi kishte dhënë dorëheqje nga mandati paraprak. Adhurues i ish-presidentit Donald Trump, Jansha ka thelluar politika djathtiste në vend prej fillimit të pandemisë.