Kryeministri i Izraelit, Benjamin Netanyahu ka marrë përgjegjësinë e sulmit ajror në Rripin e Gazës, ku mbetën të vdekur gjashtë punonjës të organizatës bamirëse amerikane “World Central Kitchen” dhe shoferi i tyre palestinez.
Netanyahu e ka cilësuar rastin si të paqëllimshëm dhe e ka arsyetuar atë si diçka që ndodh në luftëra.
“Fatkeqësisht, së fundmi, pati një incident tragjik të një sulmi të paqëllimshëm të forcave tona ndaj njerëzve të pafajshëm në Rripin e Gazës. Ndodh në luftë”, ka deklaruar kryeministri izraelit.
Ai ka njoftuar se është në kontakt me qeveritë e huaja, shtetasit e të cilëve qenë viktima të sulmit ajror izraelit.
“Jemi në kontakt me qeveritë dhe do të bëjmë gjithçka që kjo të mos ndodhë më”, ka shtuar Netanyahu.
Deklarata e kryeministrit izraelit vjen pasi ushtria izraelite gjatë ditës mohoi të jetë përgjegjëse për sulmin i cili zgjoi reagime të shumta dhe u dënua nga krerët ndërkombëtarë.
-
Netanyahy zotohet të kapë ata që ndihmuan në sulmin në Jerusalem
-
Të paktën 10 palestinezë të vrarë nga sulmet izraelite në Rripin e Gazës
-
Netanyahu pranon se Izraeli ka armatosur grupe rivale të Hamasit
-
Netanyahu zotohet të rrisë sigurinë për misionet diplomatike nëpër botë
-
Netanyahun s’e bindin paralajmërimet e aleatëve: Izraeli do ta marrë nën kontroll tërë Gazën