Një grua në Florida të Shteteve të Bashkuara të Amerikës, që kishte marrë një dozë të vaksinës kundër koronavirusit në kohën kur ishte shtatzënë, ka sjellë në jetë foshnjën e parë me antitrupa kundër COVID-19, ka bërë të ditur ekipi mjekësor.
Doktorët Paul Gilbert dhe Chad Rudnick kanë njoftuar se gruaja kishte marrë vaksinën e parë të “Modernas” në muajin janar, në javën e 36-të të shtatzënisë.
Gruaja solli në jetë një vajzë tre javë më vonë. Ajo ishte në gjendje të mirë shëndetësore, ndërsa pas analizave të para u vu re se ajo kishte antitrupa.
“Ekziston mundësia për mbrojtje dhe reduktim të rrezikut të infektimit nga COVID-19 nëpërmjet vaksinimit të nënave”, thuhet në njoftimin e mjekëve të publikuar në një gazetë shkencore, shkruan “The Guardian”.
“Për dijeninë tuaj, kjo është hera e parë në botë që raportohet për një foshnje të lindur me antitrupa pas një vaksinimi”, ka thënë Gilbert. “Kemi testuar kërthizën e foshnjës për të parë nëse antitrupat e nënës kanë kaluar te foshnja, gjë që kemi parë se ka ndodhur me shtatzënitë”.
Në njoftim mjekët kanë kërkuar më shumë hulumtime për të përcaktuar nëse foshnjat mbrohen nga antitrupat e nënave të tyre.
-
Antitrupat nga shtatzënat e vaksinuara kalojnë edhe te foshnjat
-
Vaksina kundër Covidit gjatë shtatzënisë mbron fëmijën në muajt e parë të jetës
-
Marrja e vaksinës së Covidit në tremujorin e parë të shtatzënisë konsiderohet e sigurt dhe efektive
-
Arrijnë vaksinat e para anti-COVID për fëmijë në Kosovë
-
FDA-ja autorizon vaksinat anti-COVID për foshnjat dhe parashkollorët