NATO-ja është në konflikt me Rusinë, thotë Kremlini

Zëdhënësi i Kremlinit, Dmitry Peskov, ka thënë të hënën se NATO-ja është në një konflikt "de facto" me Rusinë.

"Kjo është e qartë dhe nuk kërkon prova shtesë. NATO-ja është de facto e përfshirë në këtë luftë, NATO-ja ofron mbështetje si indirekte ashtu edhe të drejtpërdrejtë për regjimin e Kievit", ka thënë Peskov të hënën gjatë një telefonate me gazetarët.

"Prandaj, mund të themi me siguri absolute se NATO-ja është në luftë me Rusinë", ka shtuar ai. 

Duke folur për bisedimet e paqes, Peskov ka thënë se nuk është bërë asnjë përparim në organizimin e një samiti Rusi-SHBA-Ukrainë.

“Rusia ende ruan interesin dhe gatishmërinë e saj për të zgjidhur krizën ukrainase me mjete politike dhe diplomatike”, ka thënë ai kur është pyetur për deklaratën e presidentit amerikan, Donald Trump se durimi i tij po mbaronte. 

“Kievi po e ngadalëson artificialisht procesin”, ka shtuar ai.