Mijëra protestues kanë pushtuar të shtunën rrugët e Hong-Kongut, përkundër faktit se policia bëri përpjekje për t’i ndaluar ata, duke shpërndarë edhe gaz lotsjellës në drejtim të tyre.
Protesta erdhi si kundërpërgjigje ndaj sulmit të së dielës së kaluar, ku rreth 100 burra të maskuar, të veshur me bluza të bardha, sulmuan qytetarët në stacionin e metros në Yuen Long, përfshirë kalimtarë dhe gazetarë, transmeton KTV.
Protestuesit u shprehën të indinjuar me reagimin e policisë të dielën e kaluar, duke thënë se ata ishin të ngadaltë për t’iu përgjigjur thirrjeve emergjente dhe se ata erdhën në stacion vetëm pasi sulmuesit kishin ikur.
Protestuesit e kanë akuzuar policinë se kishte mbyllur sytë para veprimeve të sulmuesve dhe se ishte bashkërenduar me ta. Mirëpo, këto pretendime të protestuesve i ka mohuar kategorikisht policia japoneze, duke i cilësuar si “shpifje”.
Policia thotë se 12 vetë janë arrestuar deri tani për sulmin e së dielës, në të cilin u lënduan 45 persona.
-
Policia në Hong Kong arreston 360 persona në protestat kundër projektligjeve të propozuara nga Kina
-
Protesta dhe përleshje në Hong Kong
-
Përshkallëzojnë protestat në Hong Kong, arrestohen studentët teksa largohen nga kampusi universitar
-
Protestuesit në Hong Kong sulmojnë policinë me shigjeta, lëndohet një polic
-
Protestuesit në Hong Kong bëjnë thirrje për autonomi