Më shumë se 2.8 milionë njerëz tani identifikohen si transgjinorë në SHBA, përfshirë rreth 724,000 të rinj, sipas një analize të re të të dhënave që është më e madhja e këtij lloji deri më sot.
Hulumtuesit nga Instituti “Williams” i Universitetit të Kalifornisë, Los Angeles (UCLA) përdorën anketa federale dhe të dhëna nga agjencitë shtetërore të shëndetit për të identifikuar madhësinë dhe demografinë e popullsisë transgjinore në secilin shtet.
Analiza, e publikuar të mërkurën, dokumentoi mijëra të rinj transgjinorë që jetojnë në të 50 shtetet dhe në Distriktin e Kolumbias, raporton The Guardian.
Gjetjet kundërshtojnë përpjekjet agresive të Donald Trumpit për të mohuar ekzistencën e të miturve transgjinorë, pasi administrata e tij heq referencat për personat transgjinorë në të gjitha agjencitë federale duke eliminuar mbrojtjet dhe programet për komunitetet LGBTQ+.
Autorët paralajmërojnë se studimi i tyre mund të jetë portreti i fundit gjithëpërfshirës i popullsisë transgjinore të vendit për një dekadë ose më shumë, pasi personat transgjinorë fshihen nga anketat jetësore të SHBA-së, duke përfshirë raportet shëndetësore dhe analizat e të dhënave të krimit.
“Personat transgjinorë jetojnë kudo dhe përfaqësohen në çdo shtet”, ka thënë Dr. Jody Herman, studiuese e lartë e politikave publike në Institutin Ëilliams dhe bashkautore e raportit, duke vënë në dukje se popullsia totale transgjinore në SHBA ishte më e madhe se madhësia individuale e disa shteteve shtetesh.
“Kjo është një popullsi e konsiderueshme që ka shqetësime dhe pengesa unike për përmbushjen e nevojave të tyre, dhe ligjvënësit duhet ta mbajnë mend këtë”, ka shtuar ai.
Minnesota kishte shkallën më të lartë të të rriturve që identifikohen si trans (1.2%), ndërkaq Haëaii kishte shkallën më të lartë të të rinjve trans (3.6%), megjithëse shkallët ishin të ngjashme në të gjitha shtetet.
Raporti zbuloi gjithashtu se raca dhe etnia e personave transgjinorë ishte kryesisht e ngjashme me demografinë më të gjerë të SHBA-së, teksa të rriturit indigjenë, latino-amerikanë dhe shumëracorë kishin pak më shumë gjasa të identifikohen si transgjinorë sesa grupet e tjera.