Presidenti venezuelian, Nicolas Maduro ka thënë se është i gatshëm të punojë drejt normalizimit të marrëdhënieve me SHBA-në, pavarësisht sanksioneve të vazhdueshme që dëmtojnë vendin e tij.
“Venezuela është e gatshme, plotësisht e gatshme, të ndërmarrë hapa drejt një procesi të normalizimit të marrëdhënieve diplomatike, konsullore dhe politike me administratën aktuale të Shteteve të Bashkuara dhe administratat që do të vijnë”, tha Maduro të dielën në një intervistë të transmetuar në televizionin shtetëror në Venezuelë.
Vërejtjet e Maduros erdhën pasi opozita e vendit të Amerikës së Jugut votoi për të shpërndarë një “qeveri të përkohshme” të udhëhequr nga Juan Guaido, i cili ishte njohur nga shumë vende, përfshirë SHBA-në, shkruan Anadolu Agency.
Maduro ndërpreu marrëdhëniet me Uashingtonin në vitin 2019, kur administrata e presidentit të atëhershëm Donald Trump njohu Guaidon si “presidentin e përkohshëm” të Venezuelës.
SHBA-ja nisi një sërë sanksionesh kundër Venezuelës, duke përfshirë një embargo të naftës, për të detyruar Maduro të largohej nga detyra.
Edhe
Ish-presidenti i Venezuelës del sot para gjykatës në New York
“Ne jemi të përgatitur për dialog në nivelin më të lartë, për marrëdhënie respekti dhe uroj që një rreze drite të vijë në SHBA, ta lënë mënjanë politikën e tyre ekstremiste dhe të kenë politika më pragmatike me respekt për Venezuelën”, ka thënë ai.
Të premten, opozita venezueliane votoi për shpërbërjen e qeverisë së përkohshme të udhëhequr nga Juan Guaido, i cili e shpalli veten president të përkohshëm në 2019 për të rrëzuar presidentin e rizgjedhur Maduro dhe kishte mbështetjen e shumë vendeve të Amerikës Latine dhe Perëndimore, veçanërisht të SHBA-së.
