Qeveria e përkohshme e Venezuelës ka liruar të paktën katër amerikanë që ishin të burgosur në Venezuelë, ka thënë për CNN-in një burim i njohur me çështjen.
Veprimi shënon lirimin e parë të njohur të të ndaluarve amerikanë që nga rrëzimi i Nicolas Maduros, dhe vjen në një kohë kur qeveria e përkohshme e Venezuelës, e udhëhequr nga Delcy Rodriguez, ka filluar lirimin e dhjetëra të burgosurve politikë.
"Ne mirëpresim lirimin e amerikanëve të ndaluar në Venezuelë”, ka thënë të martën një zëdhënës i Departamentit të Shtetit.
"Ky është një hap i rëndësishëm në drejtimin e duhur nga autoritetet e përkohshme”, ka shtuar ai.
Një ekip i Departamentit të Shtetit ka udhëtuar për në Venezuelë për të ndihmuar me lirimin, sipas një zyrtari të lartë të Departamentit të Shtetit.
CNN ka raportuar më parë se të paktën pesë amerikanë ishin ndaluar në Venezuelë në muajt e fundit.
Qeveria e Maduros kishte një histori të gjatë të ndalimit të amerikanëve për t'u përdorur për ndikim politik me qeverinë amerikane.
Lirimi i amerikanëve është raportuar për herë të parë nga Bloomberg.
Administrata Trump ka bërë thirrje për lirimin e të gjithë të burgosurve politikë në Venezuelë.