Futbollistit më të mirë të të gjitha kohërave të Iranit, Ali Daei, i është marrë pasaporta dhe i është ndaluar të largohet nga vendi, pasi ka shprehur mbështetjen e tij për protestat pas vdekjes së Mahsa Aminit në paraburgim.
Daei akuzoi regjimin për "dhunë policore" dhe "shtypje të protestuesve" gjatë protestave dhe i bëri thirrje qeverisë iraniane të zgjidhë problemet e popullit iranian në vend që të përdorë represionin, dhunën dhe arrestimet.
“Konfiskimi i pasaportës së Ali Daeit është për shkak të asaj që ai shkroi në Instagram”, shkruan gazeta lokale Hammihan të hënën.
Protestat kanë nisur që nga 16 shtatori, kur u vra një grua iraniane, Mahsa Amini (22), pasi u ndalua nga policia morale e shtetit për shkelje të kodit të veshjes. Disa dhjetëra persona humbën jetën më pas në protesta, ku shumë gra dogjën shamitë e tyre.
Vdekja e Aminit nxiti pakënaqësi të madhe në mesin e iranianëve. Fillimisht është shprehur në rrjetet sociale, e në mesin e atyre që e kanë bërë këtë kanë qenë edhe fytyra të shumta publike të këtij vendi. Mes tyre janë dy ish-futbollistë Ali Karimi, i cili ka luajtur edhe për Bayernin dhe Hossein Mahini.
Deri vonë, Daei ishte golashënuesi më i mirë i të gjitha kohërave në fanellën e një kombëtareje me 109 gola, derisa kapiteni i Portugalisë, Cristiano Ronaldo, theu rekordin e tij vitin e kaluar.
Edhe
Familja e yllit të Iranit nuk lejohet të largohet nga vendi
Duke luajtur për Iranin nga viti 1993 deri në vitin 2006, Daei shënoi 109 gola në 149 paraqitje për ekipin kombëtar dhe ka statusin e heroit kombëtar në vendin e tij.
Gjatë karrierës së tij të pasur, ai luajti edhe në Bundesligë për Arminia Bielefeldin, Bayernn dhe Herthan. /klix
