Persona të armatosur kanë sulmuar autokolonën e kryeministrit libian Abdulhamid Dbeibah në kryeqytetin, Tripoli, sipas mediave lokale, disa orë përpara se parlamenti me qendër në lindje të mblidhet për të zgjedhur një kryeministër të ri.
Sulmi ndodhi herët të enjten ndërsa udhëheqësi i përkohshëm i vendit po kthehej në shtëpi, duke e quajtur atë një "tentativë për vrasje".
Një nga plumbat depërtoi në xhamin e përparmë të veturës së kryeministrit, por ai dhe shoferi i tij shpëtuan të padëmtuar.
Kryeprokurori i Libisë ka nisur hetim për sulmin. Zyra e kryeministrit nuk ka dhënë ende deklaratë.
Sulmi vjen në mes të grindjeve intensive fraksionale mbi kontrollin e qeverisë, me Dbeibah që u zotua të luftojë përpjekjet e kundërshtarëve të tij për ta zëvendësuar atë.
Libia ka pasur pak paqe apo stabilitet që nga kryengritja e mbështetur nga NATO kundër ish-liderit Muammar Gaddafi në vitin 2011. Vendi në vitin 2014 u nda midis fraksioneve ndërluftuese në lindje dhe perëndim.