Kina po përballet me probleme me grumbullimin e rezervave pasi zbuti politikat e saj më të rënda kundër COVID-19 javën e kaluar.
Njerëzit kanë nxituar të blejnë ibuprofen, ilaçe të ftohjes dhe komplete testimi për COVID, pas raporteve për mungesa të produkteve, raportoi BBC-ja të mërkurën.
Produktet për mjekim shtëpiak tani janë kryesisht të padisponueshme në internet, duke përfshirë limonët dhe pjeshkat e konservuara të pasura me vitaminë C, dhe ujin e elektrolizuar.
Në Kinë, si kudo në botë, ka qenë e zakonshme të shohësh njerëz që shpërndajnë fotografi në internet të rafteve me produkte ushqimore të zbrazura në qytetet e mëdha, përpara se të vendosen urdhra të rreptë "qëndrimi në shtëpi".
Por tani që vendi ka lehtësuar rregullat dhe po lejon që njerëzit të vetë-izolohen në shtëpi dhe të vetë-testohen për virusin, njerëzit duket se po blejnë ilaçe nga paniku në pritje të një vale dimri.
Qeverive lokale u është kërkuar të përmirësojnë njësitë e tyre të kujdesit intensiv dhe të hapin klinikat e etheve deri në fund të muajit "në përgatitje për valët e infeksionit".
Dhe tashmë ka shenja se sistemi shëndetësor është duke u mbingarkuar. Një video që po qarkullon në internet tregon pacientët duke u lidhur me pikat IV nga makinat e tyre "pasi klinikat janë plot".
Edhe
Alarmohet Kina nga varianti i ri i COVID-19, mund të çojë në 65 milionë raste për një javë
Disa dyqane kanë shpërndarë fotografi të rafteve boshe të barnatoreve dhe mediat kanë transmetuar histori gjatë gjithë javës se si linjat e prodhimit në firmat farmaceutike po punojnë tani "me kapacitet të plotë" për t'u marrë me rritjen e kërkesës.
Gazeta “China Daily” vuri në dukje se “paniku i blerjes” ishte aq i përhapur sa Qeveria në qytetin e Guangzhou kishte bërë thirrje për "blerje të arsyeshme".
Javën e kaluar, gazeta “Global Times” gjithashtu vërejti se blerja e testeve për COVID-19 ishte rritur më shumë se 300 për qind në Kinë.
