Planet për një aeroplan hipersonik që mund të fluturojë midis Pekinit dhe New Yorkut brenda një ore, janë zbuluar nga një kompani kineze.
"Raketa me krahë" është duke u projektuar për të fluturuar me një shpejtësi 7,000 milje në orë, dhe testet thuhet se do të fillojnë vitin e ardhshëm.
Shkencëtarët shpresojnë se do të jetë gati për t'u ngritur në ajër deri në vitin 2024.
Avioni futuristik është duke u zhvilluar nga Space Transportation, i cili shpreson të kryejë një fluturim të plotë deri në fund të dekadës, raporton Space.com, transmeton Koha.net.
Një video e publikuar nga kompania tregon avionin duke u shkëputur nga krahu i fuqizuar nga raketat pas ngritjes, përpara se të vazhdonte në destinacionin e tij.
Kur të mbërrijë, avioni do të ulet duke përdorur tre këmbë që shpalosen nga pjesa e pasme.
Kompania mburret se do të jetë në gjendje të lidhë New Yorkun me kryeqytetin e Kinës në vetëm një orë.
Edhe
Fluturime me shpejtësi hipersonike, e ardhmja që do ta ndryshojë botën
Avionët hipersonikë janë kryesorët në mesin e planeve të teknologjisë së lartë të Kinës me vendin që vazhdon të derdhë shuma të mëdha parash dhe burimesh në këtë sektor.
Në fund të vitit të kaluar, u zbuluan planet për një avion që mund të transportojë dhjetë njerëz kudo në Tokë në një orë.
Avioni hipersonik i propozuar është më i madh se një Boeing 737 dhe ka dy motorë të montuar në majë të trupit të tij kryesor, raportoi South China Morning Post.
