Një protestë tjetër është mbajtur në Kili. Mijëra njerëz kanë protestuar kundër vaksinimit, duke e akuzuar qeverinë për diskriminim dhe shkelje të të drejtave të njeriut.
Kilianët protestues janë ankuar se qeveria po trajton njerëzit si qytetarë të klasës së dytë me masat e saj pandemike. Protestuesit kanë thënë se janë shkelur të drejtat e tyre nga e ashtuquajtura leja e lëvizjes që lëshohet nga autoritetet për njerëzit e vaksinuar. Me këtë leje, njerëzit e vaksinuar mund të darkojnë brenda restoranteve dhe të marrin pjesë në tubime të mëdha.
Nga e hëna, kilianët e vaksinuar gjithashtu mund të udhëtojnë jashtë vendit nëse testohen negativë për koronavirus.
Protestuesit kanë fajësuar Organizatën Botërore të Shëndetësisë dhe filantropin amerikan, Bill Gates, për pandeminë.
Që prej fillimit të saj, në Kili kanë vdekur 35 mijë njerëz.
