Katër kafka njerëzore u zbuluan brenda një pakete në një aeroport meksikan që do të dërgohej me korrier në Shtetet e Bashkuara, raportoi The Guardian.
Kafkat u gjetën të mbështjella me letër alumini brenda një kutie kartoni në aeroportin “Queretaro” në Meksikën qendrore, thanë autoritetet.
Pakoja ishte dërguar nga Michoacan - një nga pjesët më të dhunshme të vendit - dhe ishte e destinuar për një adresë në Manning, Karolina e Jugut.
Autoritetet nuk dhanë detaje të tjera apo motivin e mundshëm për dërgimin e mbetjeve njerëzore.
Transferimi i mbetjeve njerëzore kërkon një leje të veçantë nga një autoritet kompetent shëndetësor, por një e tillë nuk është marrë.
