Ju derdh çaji në prehër, mori 50 milionë dollarë dëmshpërblim

Michael Garcia është dëmshpërblyer me 50 milionë dollarë, pasi fitoi rastin në një gjykatë në Los Angeles, ku kishte dërguar padi ndaj Starbucksit. Garcias i ishte derdhur një çaj i ngrohtë në një pikë të Starbucksit dhe iu shkaktuan djegie të mëdha, raporton “BBC”. 

Garcia, postier, ka pësuar djegie të shkallës së tretë në zonën e tij gjenitale kur një gotë me çaj të nxehtë ra në prehrin e tij në shkurt të 2020-s.

Starbucks u shpall fajtor pasi kishte dështuar të sigurojë si duhet gotën, e cila i ka shkaktuar Garcias dëme të përhershme. 

Kompania ka thënë se do të apelojë ndaj vendimit, duke aluduar se është shumë e ekzagjeruar për t’u paguar. 

VIDEO