-
Përktheu:
Flutura Gashi-Mehmeti
- 30 tetor 2024 21:32
- Shpërndaje në:
Izraeli ka kryer sulme të rënda ajrore në qytetin historik të Libani, Baalbek në Luginën lindore Bekaa, pasi dhjetëra mijëra banorë u larguan në përgjigje të urdhrave të evakuimit të lëshuara nga ushtria izraelite.
Kryebashkiaku Mustafa al-Shell i ka thënë BBC-së se më shumë se 20 sulme u raportuan në zonën e Baalbek, me pesë brenda vetë qytetit, ku ndodhet një kompleks tempulli romak i lashtë, i cili ndodhet në listën e UNESCO-s.
Agjencia shtetërore e lajmeve e Libanit ka thënë se rezervuare me naftë u goditën gjithashtu në qytetin fqinj Douris.
Ushtria izraelite ka thënë se goditi depot e karburantit që i përkisnin Hezbollahut në Luginën Bekaa.
Sulmet erdhën pasi sekretari i ri i përgjithshëm i Hezbollahut, Naim Qassem tha se grupi do të vazhdonte planin e tij të luftës kundër Izraelit nën udhëheqjen e tij, dhe se nuk do të “ngriste zërin" për një armëpushim.
Edhe
Të paktën 12 të vdekur pas sulmeve izraelite në Liban, përshkallëzojnë tensionet në rajon
Duke folur një ditë pas shpalljes së emërimit të tij, Qassem ka thënë se do të ndiqte agjendën e paraardhësit të tij, Hassan Nasrallah, i cili u vra në një sulm ajror izraelit në Bejrut muajin e kaluar.
Qassem e mbajti fjalimin nga një vend të pazbuluar mes raporteve që thonin se ai kishte ikur në Iran, i cili është mbështetësi kryesor i Hezbollahut.
