Izraeli në bisedime me Sudanin Jugor për zhvendosjen e palestinezëve të Gazës

Izraeli është në diskutime me Sudanin Jugor rreth mundësisë së zhvendosjes së palestinezëve nga Rripi i Gazës, vendin e shkatërruar nga lufta, në Afrikën Lindore. 

Gjashtë persona të njohur me çështjen kanë konfirmuar bisedimet për Associated Press. 

Nuk është e qartë se sa larg kanë përparuar bisedimet, por nëse zbatohen, planet do të çonin në transferimin e njerëzve nga një tokë e shkatërruar nga lufta dhe në rrezik urie në një tjetër të ngjashëm, dhe do të ngrenë shqetësime për të drejtat e njeriut.

Kryeministri izraelit, Benjamin Netanyahu thotë se dëshiron të realizojë vizionin e presidentit të SHBA-së Donald Trump për zhvendosjen e pjesës më të madhe të popullsisë së Gazës përmes asaj që Netanyahu e quan "migrim vullnetar". 

Izraeli ka paraqitur propozime të ngjashme zhvendosjeje me kombe të tjera afrikane. Palestinezët, grupet e të drejtave të njeriut dhe pjesa më e madhe e bashkësisë ndërkombëtare i kanë hedhur poshtë propozimet si një plan për dëbim me forcë dhe që shënon shkelje të së drejtës ndërkombëtare. 

Ndërkohë, për Sudanin Jugor, një marrëveshje e tillë mund ta ndihmojë atë të ndërtojë lidhje më të ngushta me Izraelin, tani fuqia ushtarake pothuajse e pakontestueshme në Lindjen e Mesme. 

E Egjipti kundërshton propozimet për zhvendosjen e palestinezëve nga Gaza.

AP-ja ka raportuar edhe më parë për bisedime të ngjashme të iniciuara nga Izraeli dhe SHBA-ja me Sudanin dhe Somalinë, vende që po përballen gjithashtu me luftën dhe urinë, dhe rajonin e shkëputur të Somalisë të njohur si Somaliland. Statusi i këtyre diskutimeve nuk dihet.