Kryeministri izraelit, Benjamin Netanyahu, ka thënë se është në bisedime me disa shtete për pranimin e palestinezëve të zhvendosur për shkak të luftës në Gazë.
Shtetet e përfshira janë Sudani Jugor, Somalilandi, Etiopia, Libia dhe Indonezia, ka thënë një zyrtar izraelit për CNN-in. Në këmbim të pranimit të palestinezëve, zyrtari ka thënë se shtetet po kërkojnë “kompensim financiar”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë mërkurën Sudani Jugor mohoi se ishte në diskutime për zhvendosjen e palestinezëve, duke thënë se raportimet ishin të pabaza dhe se nuk kishte qëndrim zyrtar për këtë. Edhe Somalilandi pati thënë në fillim të vitit se nuk ekzistonin bisedime të tilla.
Javën e kaluar, Indonezia ka deklaruar se është e gatshme të pranojë 2,000 palestinezë nga Gaza për trajtim, por se ata duhet të ktheheshin në Gazë sapo të kryenin trajtimin.
Është e paqartë të dihet a janë zhvilluar ose deri ku kanë arritur këto bisedime.
Netanyahu asnjëherë nuk ka dhënë informacione se çfarë do të ndodhë në Gazë pas luftës, por vazhdimisht ka përsëritur idenë për zhvendosjen e palestinezëve në shtete të tjera.