Italia pezullon marrëveshjen e mbrojtjes me Izraelin

Kryeministrja italiane, Giorgia Meloni, ka bërë të ditur se ka vendosur të pezullojë marrëveshjen e mbrojtjes të Italisë me Izraelin, kanë raportuar agjencitë lokale të lajmeve.

Ajo gjithashtu ka thënë se duhet të bëhet "çdo përpjekje e mundshme" për të rihapur Ngushticën e Hormuzit, duke folur me gazetarët në Verona të martën. 

Marrëveshja Itali-Izrael mbulonte shkëmbimin e pajisjeve ushtarake dhe kërkimin e përbashkët.

“Duke pasur parasysh situatën aktuale, qeveria ka vendosur të pezullojë rinovimin automatik të marrëveshjes së mbrojtjes me Izraelin”, ka thënë Meloni në Verona, sipas agjencisë së lajmeve ANSA.

Marrëveshja afatgjatë, e rinovuar automatikisht çdo pesë vjet nga qeveritë e të gjitha ngjyrave politike, kishte qenë në fuqi shumë kohë para luftës.

Edhe Botë 1 qer 2026 Irani pezullon bisedimet me SHBA-në shkaku i luftës së intensifikuar izraelite në Liban

Marrëdhëniet midis Romës dhe Tel Avivit kanë qenë të tensionuara kohët e fundit.

Javën e kaluar, Italia ka thirrur ambasadorin izraelit në Romë pasi forcat izraelite qëlluan me të shtëna paralajmëruese ndaj një konvoji paqeruajtësish italianë të OKB-së në Liban, duke dëmtuar një automjet, por duke mos shkaktuar lëndime.

Dhe të hënën, Izraeli ka thirrur ambasadorin e Italisë për të protestuar ndaj komenteve të ministrit të Jashtëm italian, Antonio Tajani, i cili ka dënuar "sulmet e papranueshme" të Izraelit ndaj civilëve në Liban dhe ka thënë se "një përshkallëzim tjetër si në Gazë duhet të shmanget me çdo kusht".

Vende të tjera evropiane gjithashtu kanë ndaluar ose kufizuar eksportet e armëve me Izraelin. 

Partitë opozitare italiane kishin bërë prej kohësh thirrje që Italia të bënte të njëjtën gjë. 

Në vitet e fundit, qindra mijëra italianë kanë dalë në rrugë ose kanë hyrë në grevë për të protestuar kundër veprimeve të Izraelit në Gazë dhe ngurrimit të Melonit për t'u bashkuar me numrin në rritje të vendeve që njohin shtetësinë palestineze.

Italia është eksportuesi i tretë më i madh i armëve në Izrael, sipas shifrave të fundit nga Instituti Ndërkombëtar i Kërkimeve për Paqen në Stokholm (Sipri).

Edhe Botë 9 pri 2026 Italia po punon për ta rivendosur lirinë e lëvizjes nëpër Hormuz

Por kjo edhe më tutje përbën vetëm 1.3% të importeve të armëve izraelite midis viteve 2021-2025. 

SHBA-ja dhe Gjermania janë eksportuesit kryesorë.