Irani zotohet të mos lejojë “asnjë pikë të vetme” nafte apo gazi të kalojë nëpër Hormuz

Garda Revolucionare e Iranit ka deklaruar të hënën se ka shënjestruar me raketa balistike avionë amerikanë në aeroportin Akaba të Jordanisë.

Ajo gjithashtu pretendon se dy cisterna nafte kishin shpërthyer dhe ishin bërë të palëvizshme pasi u përpoqën të kalonin përmes asaj që e ka përshkruar si një rrugë jugore të pasigurt në Ngushticën e Hormuzit, duke pretenduar se ato ishin inkurajuar nga ushtria amerikane për ta përdorur atë kalim.

Deklarata e Gardës Revolucionare Islamike nuk dha detaje mbi emrat, flamujt, ekuipazhet apo ndonjë viktimë të mundshme të anijeve, raporton Reuters, duke shtuar se nuk mund ta verifikonte menjëherë incidentin.

Garda ka shtuar se ngushtica do të mbetej e pasigurt për sa kohë që vazhdonte ajo që ajo e ka quajtur "agresion" amerikan në rajon, duke paralajmëruar se "ky kalim nuk do të jetë i sigurt për transportin e produkteve petrokimike, e as për ndonjë pikë të vetme nafte apo gazi".

Ajo gjithashtu ka paralajmëruar ushtrinë amerikane që të përgatitej për një "operacion ndëshkues".

Edhe Botë 1 j. më parë Irani intensifikon sulmet ndaj bazave amerikane në shtetet e Gjirit

SHBA-ja ka intensifikuar sulmet ndaj Iranit ditëve të fundit, sidomos pas vrajes së dy ushtarakëve amerikanë nga një sulm i Teheranit në Jordani.

Ndërkaq Irani si kundërpërgjigje po sulmon bazat amerikane në vendet e Gjirit.